Herrietako batzordeak saretzeko eta informatzeko lanetan gabiltzan honetan (Andoainen egin genuen lehen mintegia apirilaren 25ean. Hurrengo saioen datekin taula duzue behean), beste hainbat formazio saio antolatu ditugu.Euskaraldian parte hartzeko ariketa honek ez-ohiko egoerak sortuko ditu, tarteka deserosoak ere izan daitezkeenak (elkarrizketa elebidunak, beti erdaraz ezagututako gertuko kidearekin euskaraz egitea, eta abar). Horregatik, azaroaren 23a baino lehen herritarrak prestatzea funtsezkoa izango da, gertatuko diren kasu horietan nola jokatu jakin dezaten.Horren harira, batzorde bakoitzeko hainbat lagun prestatuko ditugu gero beraiek euren herrietan belarriprestak eta ahobiziak prestatzeko boluntarioak formatzeko. Hau da, orain aurkezten dizkizuegun saio hauetan batzorde bakoitzeko bizpalau lagun prestatuko ditugu (komeni da gutxienez bi lagun etortzea: rol bakoitzarentzat bana), gero eurek herrietan boluntario talde bat forma dezaten. Boluntario horiek, ondoren, belarriprestak eta ahobiziak formatuko dituzte euren kabuz.

Lurralde bakoitzean saio bat prestatu dugu, eta sarrera txiki baten ostean bi taldetan banatuko dira partaideak. Gela batean ahobizien prestakuntza egongo da, bestean, belarriprestena (azalpenak emango dituzte lehendabizi, eta ondoren, galdera-erantzunentzat tartea egongo da). Bukaeran bilduko gara berriz guztiak amaierako oharrak bateratzeko.

Saio bat baino gehiago egingo denez, euren lurraldekora joaterik ez duenak beste herrialde batera joateko aukera izango du arazorik gabe. Gelen edukierak bete arte jasoko ditugu izen-emateak.

Egitaraua:

-Sarrera

-Bi taldetan banatuta lan-saioa (ahobizi eta belarriprest): azalpenak eta galdera-erantzunak

-Agurra eta azken oharrak

 

Formakuntzen datak:

Maiatzak 26, Gasteizko Hezkuntza Fakultatea (EHU), 10:00-14:00

Ekainak 6, Donostiako HEFA fakultatea (EHU), 17:00-20:00

Ekainak 16, Burlatako kultur etxea, 10:00-14:00

Ekainak 20, Bilboko Ingeniaritza Eskola (EHU), 17:30-20:30

Irailak 15, Angeluko Manex Goihenetxe kultur etxean 9:30-13:30

Hurrengo saioak:

Hortaz, formazio saio hauetan izena eman nahi duzuenok ondorengo galdetegia bete dezakezue:  https://labur.eus/qGFKh

+Informazio gehiago: lurraldez lurraldeko sustatzaileak edo info@euskaraldia.eus.