Bizipenak

11 egunetan hamaika bizipen

 

11 egunetako ariketan egunez egun bizi ditugun esperientziak kontatzeko gonbitea egin nahi dizugu. Partekatu zure egunerokoan aurkitu dituzun egoerak eta hizkuntza ohiturak aldatzeko erabili dituzun estrategiak.

#HizkuntzaOhiturakAldatzenAriGara

Normalean euskeraz hitzegiten dot baina ezagutzen ez dodan genteakin erderaz hitzegitea zan nire tendentzia.
Ni pegatinakin ibili nintzen,txapa nire semeak eramaten zuelako,berak ere ahobizi izan nahi zuen.
Pegatina eroateak,konstiente izaten lagundu zidan eta danei lehenengo hitza euskeraz egiten nien.
Orain,batzuetan,erderaz irtetzen zait ezezagun batekin lehengo hitza baina laister konturatzen naz eta euskeraz jarraitzen dot berak gaztelaniaz hitzegiten ez badit.

Janire ( Zornotza)

Ahobizi

Zirraragarria izan da niretzat, ustez konprometiturik ez zegoen jendea, bat-batean, belarriprest txapa soinean ikusi ditudanean! Uste baino jende gehiago gaude honetan sartuta, zorionez!!

Maria (Orereta )

Ahobizi

Egun hauetan zehar irakaslearen rola hartu egin dut, nire lagunei "euskaraz, mesedez" behin eta berriro esanez. Euskaraldiak aspalditik ezagutzen nuen jendea hobeto ezagutzeko aukera eman dit, haiek euskaraz ere bazekitela jakiteko baliabide bat izan delako. 11 egun hauek pasata, haiekin euskaraz hitz egiten jarraitzen dut, eta nire lagunen artean euskara gero eta gehiago erabiltzen hasia naiz. Lehen pixka bat korte ematen zidan horrek, orain botere moduko bat ematen didala uste dut. Boteretsua sentitzen naiz, harro. Prest nago datorren urtean bizipen hau errepikatzeko eta belarriprest rola hartzen dutenei haien euskara maila hobetzen laguntzeko.

Irune (Iruñea)

Ahobizi

Ni Euskaraldiaren lehen egunean Kanbora joan nintzen, eta han aparkaleku bila genbiltzala, ordaindu behar zen edo ez duda, eta okurritu zitzaidan bere autoan lekutik irtetera zihoan emakume bati galdetzea... "ez du jakingo euskaraz, baina egingo diot hala ere", pentsatu nik, eta zelako sorpresa nirea! Euskaraz galdetu eta baita bertako euskara ederrean erantzun ere! Eguna alaitu zidan emakumeak.

Elixabete (Irura)

Ahobizi

Nik txapa erabili edo ez zalantzak izan nituen hasieran. Orokorrean esperimentuen alde nago, baina banekien gurea bezalako herri ttiki batean betiko jendeak eramanen zuela txapa eta denek ezagutzen dugunez elkar ez da batere txaparik behar. Izatekotan bertze behin betikoak zein garen frogatzeko balio izan du herrian, eszepzioak hagitz bakanak izandu direlako.
Azkenik, euskaldunek gure buruari (eta batzuek ingurukoei ere bai) egiten diogun presioaren eraginez txapa janztea erabaki nuen. Belarriprest hautatu nuen ahal den ahobizien banaizelako urteko gainerako egunetan. Nere esperimentua izan da belarria jartzea eta euskaraz egiten ez didatenei euskaraz mintzatzeko aukera ematea. Alferrik, ordea.
Hemen eskubideak denek omen ditugu baina saiakera, esfortzua, eginahala beti, beti euskaldunek egin behar dugu. Bertzeak haien pribilegioan goxo dabiltza, euskaraldiak euskaraldi. Hurrengo esperimentuan asmatuko ote dugu behatza pribilegio hoietan sartzen?

belarribizi (Bera)

Belarriprest

Gustura igaro ditut euskaraldiko egun denak eta horrelako ekimenak euskeraren normalkuntzarako lagungarriak direla deritzot. Halere, kritika konstruktibo gisa eta nire inguru gertuenaren hausnarketa eginez, umeen partaidetza somatu dut faltan. Ez dute partaidetza edo halabeharra sentitu eta horrek mindu egin ditu. Hurrengo batean, haurrak etorkizunean duten kutsua kontuan hartuz, berorien partaidetza sustatuko duen ekimen bat bultzatzea onuragarria ez ezik, ezinbestekoa ere ikusten dut. Halere, eskerrik asko danori egindako lanagatik eta, batez ere, eskerrik asko oraindik egin barik dagoen horretan jardungo direnei.

Pello (Lezama)

Ahobizi

Jende aunitz kaleetan zehar, nahiz eta elkarrizketa bat ez eduki, agurtzen ninduten, euskaraz.Egunerokoan ere, txapa neramanez, jende askorekin egin nuen euskaraz, zihurrenik, txapak edukiko ez bagenitu, elkarrizketa horiek gazteleraz gertatuko ziratekeen. Hau dela eta, txapa sorbaldan nabil gaur egun ere.

Mikel (Iruñea)

Ahobizi

Nire gailuen sistema euskaraz jarri nuen eta horrela mantentzen dut. Horrez gain, zenbait lankideekin lehen erdarazko elkarrizketak genituen eta ni euskaraz zuzentzen natzaio eta beste zenbait ezagunekin ere horrela jokatu dut eta euskarara joko dute beraiek ere. Esperientzia interesgarria iruditu zait eta zuen lana eskertzekoa ere.

Ainhoa (Irun)

Ahobizi

Oso anekdota polita izan dut senarraren amarekin.
Nahiz eta bera euskaldunzaharra izan, beti lotsatzen zen euskaraz, bere ustez, gaizki hitz egiteagatik. Hala ere, oso euskara polita du, Nafarroako Aralar ibarrakoa, eta izugarri ongi egiten du.
Lehen beti erderaz egiten zuen guztiezkin. Orain, euskaraldia dela eta, beti egiten du euskaraz nirekin eta bere senarrarekin.
Espero dugu hemendik aurrera beste euskaldunenekin ere euskaraz aritzea.
Orain arte askotan saiatu izan naiz berarekin bere jatorriko hizkuntzaz mintzatzen eta ezin.
Eta orain, Euskaraldia dela eta, lortu izan dut, berari euskaraldia zer zen azaldu eta gero.
Mila esker 🙂 :-):-)

Oharra: Nik ere komplexu asko nituen, eta orain askoz gutxiago, orain lehenengo hitza batzuetan euskaraz egiten dut harro-harro. Hala ere, oraindik ez beti, baina hori egiten jarraitzen saiatuko naiz.

Rosa (Atarrabia)

Ahobizi

Kontzientzia gehiago hartu dut nire harremanarekiko euskararekin: noiz egiten dudan euskaraz eta noiz dudan joera gazteleraz egiteko, pentsatzen nuen baina pertsona gehiagorekin hitz egin ahal dudala euskaraz, gazteleraz hitz egiten dudanean -euskaraz egiteko aukera egonda- nire burua kontziente egiten dut eta euskarara saiatzen naiz pasatzen,... Euskaraldia bukatuta erabakia hartu nuen ahobiziaren txapa eramateko jarraian eta horrela egiten dut oraindik (eta sorpresa polita izan da niretzako deskubritzea ez naizela bakarra izan): alde batetik ez galtzeko "iparra" hizkuntzarekiko eta, bestaldetik, pertsonak ni identifikatzeko euskaldun gisa. Emaitza positiboa izaten ari da zalantzarik gabe. Esker mila, Euskaraldia proposamen ederra eta ezinbestekoa iruditu zaidalako!!!

Vega (Gasteiz)

Ahobizi

<12345678910111213141516171819202122>

Idatzi zure bizipenak

Euskaraldian, ariketa egiten ari zaren artean, egoera berriak aurkituko dituzu: lorpenak eta ezinak, ezusteko onak eta egoera zailak. Egoera hauek nola bizi dituzun jasotzeak zure hizkuntza-ohituren aldaketa-prozesuan lagunduko dizu. Gainontzeko partaideekin partekatzeak, antzeko egoerak bizi ditzaketen beste lagunak ere lagundu ditzake.

Gune hontan jaso eta zabalduko ditugu egunotako bizipenak.