Bizipenak
15 egunetako ariketan bizi dituzun esperientziak kontatzeko gonbitea egin nahi dizugu. Partekatu gurekin bizi izan dituzun egoerak eta hizkuntza ohiturak aldatzeko erabili dituzun estrategiak, azpiko formularioa erabiliz edo bideo bidez.
Hiru aukera dituzu:
1. Testu hutsa igo
2. Testua + argazkia
3. Esanguratsua den argazkiren bat, titulua jarrita
Oso polita izan da eta 15 egun hauekin, balio izan du hausnarketak egiteko: neure burua esan diot zer nahi dudan, euskeraz bizitzea, beraz, euskera erabili behar dut eta orain dela hitz egiteko garaia. Eta, aurrera
Euskaraldia, izugarrizko lagungarria da.
Eskerrik asko, lana izateagatik
Aurtengo Euskaraldian Ahobizi rola izan dut berriz ere, eta egia esan esperientzia polita izan da. Euskaraz bizitzeko hautua hartua dut eta leku guztietan egiten dut Euskaraz eremu guztietan eta guztiekin.
Ondo dago gure hizkuntza ohiturei buruzko hausnarketa egiteko.
Sorkunde (Lemoa)
Pello Errotako eskola-komunitatea Euskaraldian murgildu da azaroaren 18tik abenduaren 2a bitartean. Aurtengo Euskaraldian ARIGUNEA izan gara, euskaraz aritzeko gunea, alegia. Euskaraldia hitzak 11 hizki ditu. Gelaka banatu dira hizkiak eta baita jangela eta Guraso Elkarteari ere. Egunero, azaroak 18tik abenduaren 2ra, patio garaian, zegokion hizkia atera dugu portxera eta horman itsatsi. Zegokion taldeari beste guztiok pasiloa egin diogu eta pasatzean txaloak eskaini dizkiegu. Momentu hunkigarriak bizitu ditugu. Gaurkoan, abenduak 2, EUSKARALDIA hitza osorik taularatu dugu euskararen eguneko ospakizunean.
Pello Errota Herri Ikastetxea (Asteasu)Egia esan, beti saiatzen naiz ahobizi modura ibiltzen. Hala ere, Euskaraldia baliagarria izan zait bi "erdi-euskaldunekin" euskaraz gehiago egiteko ohitura indartzeko, batarekin hitz eginda belarriprest zelako, bestearekin zuzenean aipatu gabe.
Beste maila bateko bizipena:
Nazka-nazka eginda nago euskararen erabilpenari buruzko albiste etsigarriak behin eta berriz entzuten. Izan ere, errealitatea jakin behar dugu, baina zaurian alferrikako minik ematea ez da ona.
Horregatik, eskertzekoak dira zuen mezu baikorrak eta eskatzen dizuet aurrerapenak ozen-ozen zabaltzea, txikiak badira ere.
Santakarako eskolan lan egiten dut (Nafarroako erriberako herri bat). Oso zaila da herrian euskara entzutea eta eskolan, euskara klasetik kanpo ere. Euskaraldian euskararekiko ohiturak aldatzen saiatu gara.
Euskaraldia hasi baino lehen ikasle bakoitzak bere erronkak idatzi zituen, haien artean:
- LEHENENGO HITZA EUSKARAZ
- Txikiekin euskaraz hitz egin
- Patioan euskaraz hitz egin
- Korridorean euskaraz hitz egin
- Euskara dakiten 4 irakaslerekin euskaraz hitz egin
Behin rolak aukeratuta eskolan ahobizi ala belarriprest logoak margotu zituzten eta txapak egin genituen.
Egunero patioko orduan musika euskaraz jartzen genuen.
Bizipen polita izan da, zoragarria delako ikasleek euskaraz hitz egiteko egiten duten ahalegina ikustea.
Hori guztia kontuan hartuta A eredukoak direla eta gurasoek euskara ez dakitela.
Biziki une onak iragan ditut Euskaraldian, hiztun komunitatearen biltzeko aukerak baliatuz, hala nola Baionan, abenduaren 3an (Biltxokon eta Euskal Museoan), txapari esker euskaldun berri zenbaiten ezagutza ere eginik. Une horiek gogo-bihotzak suspertu dizkidate.
Komunikazio digitala azkarra (biziki presente) kausitu dut, Haatik, iduritzen zait gure panoraman (herritar guziek ikusteko gisan), falta direla banderolak eta gisa horretako komunikazio euskarri ikusgarriak.
Eskerrik anitz antolatzaileei! Gora bihotzak!
Oso gustora eta posik ibili naiz, sorpresa batetik bestera, ikustean hainbat gende, nire ingurukoak ahobizi zirela eta askok be belarriprest...eta gu erderaz orain arte.
Niretzat naturala da euskeraz egitea eta orain ez dauriena egiten nirekin egin daurie.
Momentuz ez dot txapatxoa ez banderolatxoa kenduko, oso labur egin jata.
Txaparekin jardun dut 15 egun hauetan, baina urte osoan ahobizi modura aritzen naizenez, ez dit gehiegi eragin. Bai sumatu dut lantegian, euskararen erabilerak gora egin duela. Bizipena hala ere positiboa izan da, euskararen alde den oro, ona delako.
Xabier Apaolaza (Zubieta)Aurten betiko lagunekin euskaraz hitz egiten dut, ez gehiagorekin.
Esther (Vitoria Gasteiz )Bizipenak bideo bidez grabatzera animatuz gero, beste bi aukera dituzu:
