BIZIPENAK
11 egunetan, hamaika bizipen
Zer bizi izan da Euskaraldian? Lehen bizipenak jaso ditugu, eta hemen dituzu ikusgai.
11 egunetako ariketak utzitako une bereziak, ustekabeak eta erronkak bildu ditugu parte-hartzaileen ahotan.
Eta zuk ere zerbait kontatzeko gogoa baduzu… aurrera!
Nola partekatu?
Aukera ezberdinak dituzu:
IDATZITA
Beheko formularioan idatzi (eta nahi baduzu, argazkia igo)
Formulario erabilita, argazkia igo, titulu bat jarrita
BIDEOA
Zure sare sozialen bidez partekatu. Erabili #Bizipenak eta gu aipatu @euskaraldia
Whatsappez bidali (+34) 688 746 804 zenbakira
AUDIOA
Whatsappez bidali (+34) 688 746 804 zenbakira
IDATZITA
Nahiz eta gazteletaz erantzun euskaraz hitz egiteari irmo eutsi diot, ulertzeko gai diren kasuetan gaztelerazko hiztunek ere nire nahia babestu dute!
Irati (Donostia)Kontzienteki, lehenengo eguntik ibili naiz txapak zenbatzen, Donostia erdialdean, Grosen, Amaran, eta ihesalditxo pare batean, Asteasu eta Errenterian. Emaitzak: 22 txapa 11 egunetan, eta horietatik 8 ordu erdiko tartean, San Martingo merkatuan, larunbat hoizean. Ez dirudi sekulako lorpena, alajaina!!! Badago zer hausnartu.
Peru Saiz Elizondo (Donostia)Nire lagun bat, Kubakoa dena, nire txapari buruz bere esanahia galdetu zidan. Azaldu bezain pronto, euskaraz gogoratzen zituen hitz guztiak esaten hasi zitzaidan eta gehiago irakastea eskatu zidan.
Kriston ilusioz erantzuten hasi nintzaion.
Ea guztioi hizkuntzarekiko sentipen berdinak adierazteko gogoa pizten zaigun.
Gora Ahobizi eta Belarriprest!!
Cristina (Laudio)
Santurtzin daukat medikua orain dela pila bat urte eta berarekin komunikazioa beti izan da gazteleraz.
Txapari esker, hasi gara euskaraz mintzaten.
Horregatik azpimarratu behar dugu lehen hitza euskaraz izan behar dela beti. Entzuleak ez badu ulertzen esango digu; eta euskalduna bada, une horretik aurrera euskaraz hitz egingo dugu elkarrekin.
