Bizipenak

11 egunetan hamaika bizipen

11 egunetako ariketan egunez-egun biziko ditugun esperientziak kontatzeko gonbitea egin nahi dizugu. Partekatu zure egunerokoan aurkitu dituzun egoerak eta hizkuntza ohiturak aldatzeko erabili dituzun estrategiak.

#HizkuntzaOhiturakAldatzenAriGara

Gu etxetik hasi gera. Nire senarra pausoa eman du eta euskaraz hizkuntza rolla hartu dugu.
Orain, ni bizi naizen inguruan eta ibili naizen dendetan dendariak ... ez dira jabetu, ez da egon kolaboraziorik.

Elixabete (Donostia)

Ahobizi

Egia esan 45 urtearekin hasi nuen euskara ikasten eta konturatu naiz ondo moldatzen ari naizela horregatik beti euskara hitz egiten saiatuko naiz.

Joselu (Donostia)

Belarriprest

Euskaldun zahar naizen aldetik oso erronka gogorra eta aldi berean politta izan da nere buruarentzat. Askoz suguruago sentitzen naiz edozein toki eta egoeretan euskaraz hitz egiteko.
Baita ere, azpimarratu nahiko nuke ekimen honek nere alabengan izan duen eragina. Markaje zuzena egin didate eta oso zorrotzak izan dira nere konpromisoa bete nezan saiatuz. Etorkizunean, nahiz eta beraiek adin gabeko izan eta txaparik ez erabili, euskararekiko izango duten konpromezua sendotua aterako dela iruditzen zait eta beraientzat ere oso eraginkorra izan dela garbi daukat.
Txapa kendu dut eta bere babesa faltan botako dut baina etxean ikusgai utziko dut konpromezu hau ez baita 11 egunekoa, bizitza osokoa baizik.

Iker (Ibarra)

Ahobizi

Auzoan sekulan agur besterik ez esaten ez digun pare bat pertsonarekin aritu ginen solasean; tira! komunitatea egiteko ere baliagarria izan dela esperientzia. Eta... bazen garaia "dena ala ezer ez" planteamenduarekin amaitzeko: euskaldunon artean badaude euskaraz ulertu bai, baina hitz egiteko seguru sentitzen ez diren asko... ikaragarrizko ahalegina egin dutenak euskara ikasteko, eta, hala ere, auzo-lotsa sentitzen dutenak. Orain, ekimenari eustea dagokigula

Aitziber (Donostia)

Ahobizi

Txapa soinean ez nuela sendagilera joan nintzen. Bertan ea euskeraz zekien galdetu ostean eta bere gutxiberako erantzuna jaso ondoren, euskaraldia zela eta euskeraz egingo niola adierazi nion. Hasieran bitxia izan zen, baina arazorik gabeko artaratze elebidun bat eduki genuen. Kataluniatik kanpo eduki dudan lehen elkarrizketa elebiduna izan da. Pozgarria benetan!

Txomin (Donostia)

Ahobizi

nik haurreskolan,ulertzen zuten gurasoekin euskaraz aritu naiz.euren seme alaben egunerokoa euskaraz azalduaz.ta horrela jarraitu dugu.pozik egia esan!

arantza (donostia)

Ahobizi

Ekimen ederra eta zeharo beharrezkoa iruditu zait, bereziki kontzientziak astintzeko, kenu txikietatik... elkarrizketetan lehen urratsa emateko, eta urrats hori euskaraz izan dadin. Erantzuna ez da beti ona izan, baina txapak nonahi daudela jakiteak segurtasun- eta konfiantza-sarea hedatu du gizartean.

Hurrengo Euskaraldiaren zain, baina Euskaraldia 365 egunez ospatzeko gogoz eta grinaz.

Rubén (Bilbo)

Ahobizi

Zorionak eta eskerrik asko. Niretzat oso ederra izan da. Orain zer? Ez ahaztu gutaz. Ezkerraldean honelako dinamika urte osoan egon beharko zen.

Fernando (Sestao)

Belarriprest

Pasa den larunbatean erosketak egitera joan nintzen Bilbora, Zazpi kaleetara eta leku askotan nahiz eta euskeraz ez egin, bai aurkitu dut belarri prest asko. Sorpresa ederra!

Ainhoa (Leioa)

Ahobizi

Euskaraldiaren bidez nire inguruan lortutakoa: euskaraz dakiten edo ulertzen duten lagunekin elkarrizketa asko eta watsappak euskaraz edo bi hizkuntzez izatea (orain arte egiten ez genuena). Batzutan elkarrizketen hasiera bakarrik baino bada zerbait.
Bilboko dendetan sumatu dut saltzaileak, nahiz eta euskaraz ez jakin edo gutxi jakin, prestago zeudela euskara entzutera edo zenbait erantzun euskeraz ematera. Normalizatzeko joeratxoa esango nuke..Indautxun ere zenbait dendetan badakit hemendik aurrera euskara erabili ahal dudala.
Zoriontzeko iniziatiba zoragarria iruditu zait.

Tomas (Bilbao)

Ahobizi

<12345678910111213>

Idatzi zure bizipenak

Euskaraldian, ariketa egiten ari zaren artean, egoera berriak aurkituko dituzu: lorpenak eta ezinak, ezusteko onak eta egoera zailak. Egoera hauek nola bizi dituzun jasotzeak zure hizkuntza-ohituren aldaketa-prozesuan lagunduko dizu. Gainontzeko partaideekin partekatzeak, antzeko egoerak bizi ditzaketen beste lagunak ere lagundu ditzake.

Gune hontan jaso eta zabalduko ditugu egunotako bizipenak.