Bizipenak

11 egunetan hamaika bizipen

 

11 egunetako ariketan egunez egun bizi ditugun esperientziak kontatzeko gonbitea egin nahi dizugu. Partekatu zure egunerokoan aurkitu dituzun egoerak eta hizkuntza ohiturak aldatzeko erabili dituzun estrategiak.

#HizkuntzaOhiturakAldatzenAriGara

Euskararen erabileraren igoera nabarituko da herrian eta poztekoa izan da baina penagarria izan dena euskera ondo dakiten herritarrak egun berezi hauetan ere erderaz entzutea izan da, belarriprest eta ahobizi berriei inolako indar edo euskera hitzegiten jarduteko laguntzarik eman gabe.

Funtz (Soraluze)

Ahobizi

Erizainarenean, honek gazteleraz egin eta nik euskaraz jarraitu. Praktikaldiko ikaslea ere han zegoen bere Osakidetzako "e" txapa eta guzti. Azkenean hirurok euskaraz amaitu genuen, erizainari apur bat kostatu arren. Pozaren pozaz atera nintzen kontsultatik, zertara joan nintzen ahaztuta.

Igor (Bilbo)

Ahobizi

Koadrilan galdua genuen tentsio lingusitikoa. Lagun gehienak euskara ikasiak dira, eta gaitasun maila ezberdinak dituzte.

Urtetan euskara izan da nagusi (ez erabateko) gure koadrilan, eta nire rola (hein bateko) ahozbizia izan da. Baina denboraren poderioz, gaztelaniara jotzen joan gara. Nire eragin ahalmena ere ahultzen joan da, eta neuk euskaraz egin arren, elkarrizketa kolektiboak gaztelaniara jo izan du maiz.

Herenegun, ordea, bazkari batean bildu ginen gehienok, eta zerbait aldatu dela esan dezaket. Koadrilako elkarrizketa kolektiboa nagusiki euskaraz izan da berriz. Ederki saiatu ziren gaitasun apalena dutenak ere. Jarrai dezala!

Zigor (Altza)

Ahobizi

Nerabeekin egiten dut lan, eta tira, batzuk euskara betebehar gogaikarritzat hartzen dute (nota txarrak, etxerako lanak, azterketak...). Beno, ba beste batzuk ostiralean haien txapa ekarri zuten poz-pozik eta euskaraz aritu ginen.
"Eh joe no por favor ya vale con el euskera" esan zuen batek, eta besteok jarraitu, lehenengoak "vale va, hago mintzapraktika" esan arte.

Gaztetxoak jokutzat hartzea eta ez behartzat ezinbestekoa dela agerian da.

Leire (Galdakao)

Ahobizi

Kuadrillako lagunarekin 40 urtetako harremana, orain artean erdara hutsean. Atzo #Ahobizi eta #Belarriprest aritu ginen, arazorik gabe. #Euskaraldia geratzeko etorri da.

Karmelo (Arrigorriaga)

Ahobizi

Aitortu beharra dut, ez dudala denbora osoan bete nire rola, baina aitortu beharra dut ere, bikotekidearekin euskaraz aritzeko aurrerapausuak egin ditugula.

Leire (Galdakao)

Ahobizi

Azaroak 23, lehenengo eguna, eskolako guraso batzuek elkarrekin joaten gara pilates talde batera. Ezagutzen dudan ama batek, belarriprest txapa jarrita, galdetzen dit:
-Hay alguien arriba?
. - ez dut inor ikusi igotzen
-bueno, pues ahora vuelvo
Eta bueltatu denean esaten dit...
-Ba ordua da, igoko gara?

Esfortzu txiki bat egiten, bion artean, lortu dugu txipa aldatzea

Laura (Errekalde, Bilbo)

Ahobizi

Gaur ogidendara sartu naiz eta dendaria beste jatorrikoa zen, euskaraz eskatu eta euskaraz erantzun dit. Aurreiritziak apurtzeko ere balio du euskaraldiak.

Miren (Gasteiz)

Ahobizi

Harrituta geratu naiz Bilbon zenbat jendek euskera ulertzen duen ikusita!! Nahiz eta gero euskeraz ez hitzegin.
Eta gainera, ederra da ikustea nola txapa begiratu ondoren, beldurrez begiratzen zaituztela baina ulertzeko gogoakin daudela, eta lau hitz gurutzatu ondoren, ulertu egiten dutela konturatzerakoan, nola aurpegia aldatzen zaien poztasuna adieraziz.

Ziortza (Bilbo)

Ahobizi

Bilboko Santutxuko auzoko osagaien denda baten lan egiten dut,
Gure hizkuntza normaltasunez bizitzen saiatzen gara egunero
ez nuen uste euskaraldiak lar lagunduko zigunik
Erratu nintzen eta ostiralean flipatu egin nuen
txapita honek asko lagundu du.
Uste dut bukatzen denean ez dudala paparretik kenduko
aupa

Ager (Bilbo)

Ahobizi

<1234567891011121314151617181920212223>

Idatzi zure bizipenak

Euskaraldian, ariketa egiten ari zaren artean, egoera berriak aurkituko dituzu: lorpenak eta ezinak, ezusteko onak eta egoera zailak. Egoera hauek nola bizi dituzun jasotzeak zure hizkuntza-ohituren aldaketa-prozesuan lagunduko dizu. Gainontzeko partaideekin partekatzeak, antzeko egoerak bizi ditzaketen beste lagunak ere lagundu ditzake.

Gune hontan jaso eta zabalduko ditugu egunotako bizipenak.