BIZIPENAK

Nire esperientzia, batez ere, lantokian izandakoa da. Euskarako teknikaria naiz eta Euskaraldiaren sustatze lanak egite tokatu zait. Jende askoak hartu du parte, behintzat txapa asko banatu dira; baina, egia esateko, ez dut aldaketa handirik somatu, batez ere ahobizien aldetik; belarripestak prestuago ibili direla iruditu zait.

Ahobizi

laneko kontuengatik pertsona bati euskaraz idatzi nion euskaraldia aurretik eta erderaz erantzun zidan, ez nekien euskara ondo ulertzen zuen ala ez, eta aurrerantzean erderaz idatzi nion nik ere. Euskaraldia hasitakoan Belarriprest simboloa ikusi nuen bere mezuetan eta horri esker, orain nik euskaraz idazten diot nahiz eta berak erderaz erantzun

Ahobizi

Euskaraldiak euskararen erabilpen ohituren aldaketak festa giroan areagotzen dituela ikusteak asko poztu nau. Euskaldun berri eta belarri prest asko topatu ditut haien euskararen erabilpenaren ohiturak aldatu nahian. Ahobiziok gogoz eta modu iraunkorrean erantzun behar diegu euskaldun berri eta belarriprest guzti horiei. Txapa aukeratzeko momentuan beldur asko sumatu ditut euskara menperatzen ez dutela uste duten horien artean. Euskaldun zahar bat topatu dut, zein ez den ausartu ahobizi txapa hartzen. Euskararen erabilpen desegokiaren aurrean epaituak izango direnaren beldur eta lotsak gainditzeko beharra ikusi dut.

Ahobizi

Saiatu naiz euskaraz egiten baina zaila baino zailago gertatu zait, batez ere harritu nauna da euskara dakiten jende askok ez zuela euskaraz egin nahi, kosta egiten zitzaiela eta nahiago zutela gazteleraz egin, joera handia gaztelerara pasatzeko nabaritu dut edonola. Ni euskarazko C2a prestatzen ari naiz eta konturatu naiz soilik azterketak gainditzen dakidala, baina ez egunerokotasunean, denbora oro, euskaraz hitz egiten, izan ere, egun, ez dut inorrekin denbora guztian euskaraz egiten, horregatik, datorren astean, mintzalagun talde batean hasiko naiz.
Nire erronka da dena euskaraz egitea, salbuespenak salbuespen.Pentsatzen nuena baino askoz zailagoa izan da.
Bestalde, ekitaldiei dagokionez jendea gehiegi sakabanatuta zegoela iruditu zait. Lehenengo ekitaldira joan nintzenean, Donostira joan nintzen eta oso jende gutxi ikusteaz gain, topatu nuen lagun batek esan zidan ez zuela ekitaldien berri, nahiz eta txapa eraman. Ni interneten sartuz informatu nintzen. Edonola, polita izan da lehen euskaraz hitz egiten nuenekin euskaraz egitea berriro, eta saiakera ere onuragarria iruditu zait, saiatzen jarraitzera animatu naiz. Euskaraz bizi nahi dut.

Ahobizi