Bizipenak

11 egunetan hamaika bizipen

 

11 egunetako ariketan egunez egun bizi ditugun esperientziak kontatzeko gonbitea egin nahi dizugu. Partekatu zure egunerokoan aurkitu dituzun egoerak eta hizkuntza ohiturak aldatzeko erabili dituzun estrategiak.

#HizkuntzaOhiturakAldatzenAriGara

Jose Luis naiz eta belarriprest ere bai.
orain txapa eramaten dudalako, Bi bizilagunekin elkartzen naizenean, beti euskaraz hitz egiten didate.
Asteartero azokara joaten naiz eta Josetxo baserritarrak ahobizi txapa eramaten du eta orain beti euskaraz hitz egiten dit, eta nik euskaraz barazkiak eskatzen ditut.
Dantzan ere bai, andereinoak eta dantza-laguneek beti euskaraz hitz egiten didate , baina badakite, poliki-poliki hitz egiten dudala.

Jose Luis (Beasain)

Belarriprest

Zeinen zaila egiten zaidan apostua mantentzea, zeinen gogorra nire hizkuntza eta pasioa batzutan lotsaz ez bizitzea... Elkarrizketa elebidunei eutsi behar diet, tinko, gogor, animoz, buruz eta bihotzez... Hori da gehien kostatzen ari zaidana jakitea ez dela arazo nik euskeraz eta besteak gazteleraz jarraitzea. 4 egun oraindik ere ohitura aldatu eta praktika berria gerora ere bizi egiteko...

Amaia (Bilbo)

Ahobizi

Atzo, Bilboko erropa denda ezagun batean, gran vian dagoena, sartu nintzen eta ordaintzerakoan, txapak elkar ikusi eta gero, euskaraz hasi ginen hitz egiten, nahiz eta gure euskara bikaina ez zela.
Orain dela hilabete bat ez nuen ezta imaginatuko halako zerbait. Eta hau bizipen bat baino ez da. Benetan txapa magikoa dela dirudi. Iniziatiba oso polita eta errepikatuko behar genituzkena. Zorionak Euskal Herria!

Mikel (Erandio )

Belarriprest

Durangon aparkatzen, ez zegoen marrarik lurrean eta ez dut TAO jarri.

Bueltatu naizenean isuna jartzen ari zen neska bat erderaz hasi da azaltzen hor TAO jarri behar zela baina nik belarriprest nintzela gogoratu diot eta orduan euskaraz hasi zait.

Azkenean isuna ordaindu behar izan dut eta berak esan dit: "Bueno isuna ordaindu behar izan duzu baina gutxienez mintzapraktika egin duzu.

Zelako guasa tipak...

Itxaso (Bilbo)

Belarriprest

Euskaraldiaren 6. eguna da eta zerbait berezia gertatu zait, Plentziarako metroan nago, Bagoi berean andra bat dago belarri prest txanparekin eta beste emakume bat aho bizi txaparekin euskaraz hitz egiten bere seme-alabekin, bat-batean beste neska bat agertu da dirua eskatzen jateko, txapa Ikustean euskaraz hasi da nirekin hitz egiten, gero olerki polit bat bota du, euro bat eman diot eta elkarrekin euskaraz jarraitu dugu hitz egiten. Benetan zelako Aktriz ona, antzerkian lan egiteko modukoa eta bere euskera ederra zen, bidaia alaitu dit. Gora Euskaraldia!!!!.

Estibaliz (Barakaldo)

Ahobizi

Duela zonbait aste, kiroldegi bateko aladageletan nintzen, lagun batekin euskaraz hitz egiten. Momentu batean, lagun hura bere kirol zakuan eta sakeletan bilatzen hasten da eta erraten dit : "ez ditut nere autoko giltzak atsematen" ... denbora berean, bertan erregularki ikusten nuen mutil bat agertzen da eta euskaraz agurtzen gaitu, erranez bizikleta eliptiko baten gainean ikusi zituela giltza batzu ... hori harridura ! zeren eta ordu arte, ez ginuen sekulan elgar hitz egin, eta agurtzen ginen aldi oroz frantsesez egiten ginuen.
Zer plazerra jakitea beste euskaradun bat bederen bazela gela horretan ibiltzen zena ! ordu arte pare bat baizik gurutzatu nuelako hasieran aipatzen nuena barne !
Agian txapa honi esker beste euskaradun batzu ere badirela ohartuko naiz ... han edo edozoin lekutan ...

xalbat (mugerre)

Ahobizi

Betidanik guztatu zaizkit hizkuntzak eta beste lau ikasi ditut momentuz. Beti jakin det erraztasuna neukala hizkuntzak ikasteko baina euskara ezagututakoan konturatu nintzen hizkuntz batzuk ez dira bat ere erraza. Dena den, presarik gabe jarraitzen det euskara ikasten erronka haundi bat hartzen. Nere helburua da ondo moldatzea naturalki moduan.

Carlos (Elgoibar)

Belarriprest

Nire partaidetzarekin beste Bilbo euskaldunago ikusi nahi dut

Maria Jose (Bilbao)

Ahobizi

Nire ilobari ikastolan etxeko lan modura txapa bat zeukan norbait kalean gelditu eta selfie bat ateratzeko eskatu zioten. Igandean berari laguntzen primeran pasatu genuen famili osoa.

Ernesto (Gasteiz)

Belarriprest

Euskaraldia, nire ikuspuntutik, esperientzia sozio linguistiko batetik baino haratago doa. Euskaldun zahar eta Euskaltzale garenontzat bultzada bat suposatzen du, animikoki laguntza bat, nire aldetik sentzu oso konkretu batetan gainera:

#Belarriprest papera edo rola betetzen edo jokatzen dutenekikoekin eta espreski erdaraz erantzuten dizutenean, orain arte beti izan dugun ohitura horri buelta ematea suposatzen baitu. Hau da, Euskaraz mintzatzen jarraitzea Erdarara pasatzearen ordez !!

Horretan datza #Euskaraldiaren berezitasun eta indarrik nabarmenena nire ikuspuntutik, egunean zehar Euskaraz ordu gehiagoz mintzatzeko aukera ematen didalako.

Mintza praktika berri hau nire emaztearekin komunikatzeko era berri bat azaldu dit, orainarte sekula ez diot Euskaraz egin, eta Euskaraldi honetan %70 baten baino gehiagotan Euskaraz soilik dihartut. (Berak niri ezer esan gabe #Belarriprest txaparekin agertu zitzaidan eta ...).

#Belarriprestei beraz nire zorionik beroenak !!

Herri honetan orainarte Erdara - Euskara zein Euskara - Erdara elkarrizketarik ez direlako oso sarritan ematen.

Bukatzeko: Ez dakit zer gerta zatekeen mintzaldi "berezi" hauek (Euskara- Erdara) binaka eman ordez jende gehiagoren partaidetzarekin egingo bagenitu.

Eskerrik Asko Eukaraldiari, gehiago behar dogu !!

Koldobika (BILBO)

Ahobizi

<12345678910111213141516171819202122>

Idatzi zure bizipenak

Euskaraldian, ariketa egiten ari zaren artean, egoera berriak aurkituko dituzu: lorpenak eta ezinak, ezusteko onak eta egoera zailak. Egoera hauek nola bizi dituzun jasotzeak zure hizkuntza-ohituren aldaketa-prozesuan lagunduko dizu. Gainontzeko partaideekin partekatzeak, antzeko egoerak bizi ditzaketen beste lagunak ere lagundu ditzake.

Gune hontan jaso eta zabalduko ditugu egunotako bizipenak.