Bizipenak

11 egunetan hamaika bizipen

 

11 egunetako ariketan egunez egun bizi ditugun esperientziak kontatzeko gonbitea egin nahi dizugu. Partekatu zure egunerokoan aurkitu dituzun egoerak eta hizkuntza ohiturak aldatzeko erabili dituzun estrategiak.

#HizkuntzaOhiturakAldatzenAriGara

Nik esperientzia onak besterik ez ditut izan, jendea pozik sumatzen dut eta gogotsu. Kanpaina oso arrakastatsua eta irudimentsua.

Sergio (Abanto)

Ahobizi

Zaila izaten da, beti euskaraz hasi naiz baina erosketetan gutxi aurkitu ditut euskaraz hitz egiteko prest.
Lanean, jakin arren ohitura dago gazteleraz egiteko, baina pausuak eman ditugu. Atzo, bilera batean batzuk euskaraz eta beste batzuk gazteleraz aritu ginen. Ondo iruditu zatzaidan, eroso sentitu ginen denok.

Victoria (Bilbo)

Ahobizi

Aurreiritzi asko nituen hasi baino lehenago, baina pertsona askorekin komunikatu naiz euskaraz (lanean, bileretan, lagunen artean,...) eta nahiz eta esfortzu handia izan, merezi izan du, ez dudalako somatu kontrako jarrerarik, agian.
Gainera, amak ahobiziko txapa darama eta niretzat berebiziko garratzia du horrek ingurune erdaldunean bizi delako.

Arkaitz (Balmaseda)

Ahobizi

Ene laguna ta bere anaiak Landesetan sortuak dira, eta Euskal Herrian haunditu. Haunditzearekin pixkanaka euskarari lotu dira, bakotxa bere erritmoan. Orain ene laguna arrunt euskalduna da eta egunero euskaraz mintzo da. Bere anaiak aldiz oraindik belarriprestak dira, dena ulertzen baitute baina ez baitira errexki mintzo. Anaien arteko harremana frantsesezkoa dute oraindik.
Barda koinatak laguna deitu du telefonoz, eta ene baitan pentsatu dut "ea nola eginen duten ahobizi-belarriprest elkarrizketa?". Momentu baten buruan belarria atearen beste aldera pasa eta...euskaraz! Laguna osoki euskaraz mintzatzen entzun dut!! Eta elkarrizketa bukaeran hau erran deta: " harrigarria! elkarrizketa OSOA euskara hutsean egin dugu!! Bai nik eta bai anaiak!". Ze poza ikusi dutan bere begietan!!! Ea Euskaraldiari esker bi anaien arteko harremana frantses hutsetik euskara hutsera pasatzen den... Untsa abiatia da hasteko!!!!

Dioni (Itsasu)

Ahobizi

Ez naizoraindik euskeraz hitz egitea ausartzen

Estibaliz (Portugalete)

Belarriprest

Ttipitan euskara ikastolan ikasi nuen, gurasoak erdaldunak ditut. Gaur euskara irakasten dut bigarren mailan. Bortxaz, ahobizi. Bainan ezinezkoa zait Amarekin euskaraz egitea, nahiz eta belarriprest gisa eman duen izena... Alde on bat bada halere: kolegioko ikasleen baitan egiazko interesa sortu dute euskarako erakasleok eramaiten ditugun txapek.

Joana (Hazparne)

Ahobizi

BIlbon pasa nuen eguna atzo. Abandoko parking-etik kotxea ateratzen ari nintzela zuzenean kabinara joan nintzen autoarekin eta bertako langileak haserre makinara joan behar nuela. Urduritasun eta egoera deseroso horretan indarrak hartu eta euskaraz erantzun nion auto barnetik. Nire sorpresarako euskaraz bazekien eta azkenean berak kobratu zidan zuzenean, konplizitatez. Erronka gaindituta!

Mikel (Ibarra)

Ahobizi

Nire esperientzia txaparekin oso ona izan da.
Lehen lotsa handia neukan euskaraz hitz egiteko. Orain, pixkanaka-pixkana, dendatan, tabernatan eta kuadrilarekin euskaraz hitz egiten hasi naiz.
Jendeak txapa ikusten duenean, gonbidatzen du euskaraz hitz egitera.
Eskerrik asko txapa!

Mila (Beasain)

Belarriprest

Atzo arratsaldean nire lagun onenarekin gelditu nintzen umeekin paseotxo bat ematera.
Umeekin beti euzkaraz gabiltza, baina gure artean erdaraz. Bera oso ondo moldatzen da euskararekin, ni, ordea, oraindik ikasten ari naiz.
Bere senarrak esan zion: ikusten diozu txapa? Ba badakizue!
Bapatean, nire laguna euskaraz hasi zen elkarrizketan eta ni erdaraz kontatzen hasi nintzen. Azkenean konturatu gabe, euskaraz hasi nintzen eta poz-pozik joan nintzen etxera.

Inma (Beasain)

Belarriprest

Orain dela bi egun esperientzia ona gertatu zitzaidan.
Egunero nere semea eramaten dut eskolara.Aparkatu eta gero, kalean neska ezagun bat fijatu zen nire txapan, eta hitz egiten hasi ginen.
-Ah, ze sorpresa!- esan zidan.
-Badakit euskara ikasten ari zarela, baina zure euskera maila ez nekien.!- jarraitu zuen.
Hamar bat minutuz euskaraz hitz egiten jarraitu genuen.
Bere bulegora iritsi ginenean, sartu egin zen eta ni euskara ikastera joan nintzen.

Pedro (Beasain)

Belarriprest

<12345678910111213141516171819202122>

Idatzi zure bizipenak

Euskaraldian, ariketa egiten ari zaren artean, egoera berriak aurkituko dituzu: lorpenak eta ezinak, ezusteko onak eta egoera zailak. Egoera hauek nola bizi dituzun jasotzeak zure hizkuntza-ohituren aldaketa-prozesuan lagunduko dizu. Gainontzeko partaideekin partekatzeak, antzeko egoerak bizi ditzaketen beste lagunak ere lagundu ditzake.

Gune hontan jaso eta zabalduko ditugu egunotako bizipenak.