Entitateek beren baitako ariguneen berri eman dezateke jada

Entitateek edizio berriko izen-ematea egin dezakete jada webgunean. Horretarako, hala ere, beharrezkoa da entitate barruan dauden ariguneak identifikatzea lehenengo; eta kideen arteko adostasuna lortzea ere ezinbestekoa da.

Ariguneak identifikatzeko tresna eskatzeko, eta ondoren izena emateko aukera izango duzue Ariguneak atalean.

Herri-batzordeek Euskaraldian izena emateko unea da!

2018ko abenduaren 3an bukatu zen lehen Euskaraldia, hizkuntza ohiturak aldatzeko ariketa berritzailea. Milaka lagunek hartu zuten parte orduko ariketan eta lan itzela egin zuten herrietako batzordeek hori lortzeko. Orain 2019-2020 edizioa martxan jartzeko unea da eta, berriz ere, herri batzordeei dagokie lekukoa hartzea.

Horretarako, irekita dago jada herri batzordeek izena emateko epea.

Ikus berri osoa

BERRIAK

 

Euskaraldia sarean

 

Eta zu, belarriprest edo ahobizi zara?

 

Ahobizi naiz

Euskaraz ulertzen duten guztiekin euskaraz egiten dut uneoro. Kideek euskaraz ulertzen ote duten ez dakidanean lehen hitzak, beti, euskaraz egiten ditut; euskaraz ulertzen badute, euskaraz jarraitzen dut.
Batzuetan zaila izan arren, elkarrizketa elebidunetan ere euskarari eusten diot kideek ulertzen dutenean.

Belarriprest naiz

Nire gaitasun eta aukeren arabera erabakitzen dut euskaraz noiz eta norekin egin. Beti ez dut euskaraz egingo ulertzen duten guztiekin, baina euskara dakitenek niri uneoro euskaraz hitz egitea nahi dut; eta horixe eskatzen diet modu esplizituan.

Gaindegiak Euskaraldiko parte-hartze datuak hartu eta zenbakitara ekarri eta irakurri ditu. Bertan ikusi ahal izango dituzue,  parte-hartzaile kopuru osoaz gain, datuak lurraldeka eta eskualdeka banatuta, adin tarteetan zatikatuta edo rolaren arabera nola banatu den. 

 

Euskaraldia herriz herri

 

 

HARREMANA

 

Landako Etorbidea 4, 48200 Durango (Bizkaia)

15 + 4 =