Ainara (Irun)

AHOBIZI

kaixo, egun on:

Euskaraldiaren aitzakian, Irunen 2025eko Hatsaren Poesia liburua aurkeztu genuen, eta Irun eta inguruko liburuko parte-hartzaileek une goxo bat iragan genuen euskaraz eta poesiaz beterik.


Eskerrik asko

Bizipen guztiak ikusi

Nagore (Sevilla)

AHOBIZI

Orain dela bi ikasturte Sevillan bizi naiz eta irakasle bezala lan egiten dut bertako herri batean. Nire lankide bat oso interesatua agertu izan ohi da behin baino gehiagotan euskararekin eta aurten belarri prest-eko txapa oparitu nion. Ni ahobizi txapa jarri eta bertan abiatu gara euskararen lanketan. Esperientzi bikaina!

Bizipen guztiak ikusi

Patrik (Gautegiz Arteaga)

AHOBIZI

Prestatu ditugun ekintzetan jende askok parte hartu du eta jendea oso inplikatua ikusi dut.

Bizipen guztiak ikusi

Ainara (Irun)

AHOBIZI

kaixo, egun on:

Euskaraldiaren aitzakian, Irunen 2025eko Hatsaren Poesia liburua aurkeztu genuen, eta Irun eta inguruko liburuko parte-hartzaileek une goxo bat iragan genuen euskaraz eta poesiaz beterik.


Eskerrik asko

Bizipen guztiak ikusi

Nagore (Sevilla)

AHOBIZI

Orain dela bi ikasturte Sevillan bizi naiz eta irakasle bezala lan egiten dut bertako herri batean. Nire lankide bat oso interesatua agertu izan ohi da behin baino gehiagotan euskararekin eta aurten belarri prest-eko txapa oparitu nion. Ni ahobizi txapa jarri eta bertan abiatu gara euskararen lanketan. Esperientzi bikaina!

Bizipen guztiak ikusi

Patrik (Gautegiz Arteaga)

AHOBIZI

Prestatu ditugun ekintzetan jende askok parte hartu du eta jendea oso inplikatua ikusi dut.

Bizipen guztiak ikusi

Antia (Barakaldo)

BELARRIPREST

Supermerkatuetan eta medikuan euskaraz ibili nahiz hitz egiten eta oso eroso sentido naiz,jendwa euskaraz hitz egiten zuelako nirekin.

Bizipen guztiak ikusi

Euskaraldia euskararen erabilera aktibatzeko mugimendu soziala da.

Mugimendu honetan parte hartzen duten pertsona guztiek euskara gehiago erabiltzea bilatzen dute. Abiapuntua da euskara ulertzen duten pertsonen hizkuntza-ohiturak aldatzea (euskararen mesedetan).

Horretarako, 11 eguneko ariketa sozial masibo bat antolatzen da, Euskal Herri osoko herri batzordeek antolatzen dutena.

NOIZ EGITEN DA ARIKETA?

Ariketa bi urtetik behin egiten da. Hau izan da laugarren edizioa, eta 2025eko maiatzaren 15etik 25era ospatu zen, 11 egunez.

ZEIN DA ARIKETAREN HELBURUA?

Ariketaren helburua da hizkuntza-ohiturak aldatzea eta, hizkuntza aukeratzeko orduan, gure inertziak astintzea, euskara gehiago hitz egin dezagun.

NORK PARTE HAR DEZAKE?

Euskaraz ulertzen duten 16 urtetik
gorako herritarrek.

ZER PROPOSATZEN DU ARIKETAK?

Ariketak proposatzen duena da parte-hartzaileek bi hizkuntza-portaera erabiltzea haien eguneroko elkarrizketetan:

 

LEHEN HITZA, BETI, EUSKARAZ EGIN

Ezagutzen ez duzun horri galdera bat egin nahi diozunean, edo denda edo taberna batera zoazenean, zein hizkuntza erabiltzen duzu lehen eskaera egiteko? Pentsatu gabe egiten dugunean, uste baino sarriago, erdarara jotzen dugu.

Bada, lehen hitza euskaraz egiteko ohitura hartuta sorpresa on asko jasoko ditugu eta euskarari bide asko zabalduko dizkiogu, ziur!

ERDARAZ ERANTZUTEN DIGUTENEAN ERE, EUTSI EUSKARARI!

Euskara ulertzen duen horrekin, zergatik ez euskaraz hitz egin? Berak erdaraz erantzun arren, elkar ulertzen badugu, jarrai dezagun euskaraz hitz egiten (elkarrizketa elebidunak -batek euskaraz eta besteak erdaraz- eduki, alegia). 

Bide batez, azaldu euskaraz ulertzen duen orori, Euskaraldiak irauten duen 11 egun horietan, behintzat, zuk euskaraz egingo diozula!

euskaraldia-belarriprest


NOLA PARTE HARTZEN DA?

Ariketa rol-jolas batean oinarritzen da. Bi rol hauta daitezke: ahobizi edo belarriprest.

Ariketak 11 egun iraungo duen bitartean, parte hartzen duten pertsona guztiek hautatutako rola adierazten duen txapa bat eramango dute. Txapak mezu argia ematen du: «Nirekin egin euskaraz, lasai!»

Horrela, euskaraz hitz egin nahi duenak badaki txapa daramatenekin euskaraz lasai hitz egin dezakeela.

Ezagutu belarriprest
Ezagutu ahobizi

4. EDIZIOAN PARTE HARTU DUTEN HERRIAK

 

Mapa honetan ikus ditzakezu Euskaraldiaren mugimenduan parte hartu duten herriak.

ETA EZ BADUT EUSKARA ULERTZEN?

Oraindik garaiz zabiltza!

Euskaraldia euskara gehiago, jende gehiagorekin eta egoera gehiagotan erabiltzeko ariketa bat da, eta horretarako gutxieneko ulermen bat beharrezkoa da, bi pertsonen arteko komunikazioa posible izan dadin.

Etorkizunean edizio gehiago ere izango dira; beraz, oraindik euskaraz ez dakitenak animatu nahi ditugu apur bat ikastera, hurrengo Euskaraldian parte hartu ahal izateko!

unitate-didaktikoak

"Gure bihotzaren taupadak" BULEGO

Euskaraldiaren 4.edizioaren kanta

BULEGO taldeak sortu du Euskaraldia 2025eko kanta, euskaraz egiteko nahia pizteko eta norberak bere ekarpen txikia eginez aldaketa handiak lor daitezkeela sentiarazteko.

Kanta idazten hasi aurretik, BULEGOk ondo ezagutu nahi izan zituen Euskaraldiaren oinarriak eta abestiaren helburua. Euskaraldiaren lantaldeko kideekin hainbat bilera egin ondoren, “esatetik egitera” esaldia bihurtu zen inspirazio nagusia, eta hortik abiatuta hasi ziren sortzen.

Gehiago ikusi

"Esazu hitz bat"

Euskaraldiaren 3.edizioaren kanta

Abesti hau sortzeko, hainbat sortzaileren elkarlan estua izan zen oinarri. Xabier Zabalak hartu zituen bere gain konposizioa, moldaketak, ekoizpena, akordeoia eta programazioak; eta Andoni Egañak jarri zizkion hitzak.

Ahotsen alorrean, Aiora Renteria, Petti, Maddalen Arzallus, Ainhoa Larrañaga eta Andoni Egaña aritu ziren; eta musikarien artean honako hauek nabarmendu behar dira:
Igor Telletxea (bateria), Ritxi Salaberria (baxua), Ruben Caballero (kitarra), eta Oreka Tx taldeko Harkaitz Martinez Urriza eta Mikel Ugarte (txalaparta).

Grabaketa, nahasketa eta masterizazioa Victor Sanchezek egin zituen, Elkar estudioan.

Gehiago ikusi

"24/7"

Euskaraldiaren 2.edizioaren kanta

Abestia BROKEN BROTHERS BRASS BANDek sortu zuen, Lorena Aisa, Claudia Rodriguez eta Idoia Tapiaren (Skabidean) bozarekin.
Sustrai Colinak jarri zizkion hitzak eta Ion Celestinok doinua.

Bideoa Xabier Apesteguik eta Sergio Eliak grabatu zuten; Albaro Soulek dron bidezko irudiak sortu zituen, eta grafismoa SILENCIOren eskutik etorri zen.
Hotsa Iosu “mighty” Martik jaso zuen, eta nahasketa eta masterra Moises Berdoncesek egin zituen.

Eskerrik beroenak parte hartu edo bidea erraztu zuten guztiei, bereziki Zareko Lakarraena etxeko Lekunberri sendiari, artasoroa zulatzen uzteko aukera emateagatik.

Gehiago ikusi

"Hartu kontrola, aukeratu rola"

Euskaraldiaren 1.edizioaren kanta

Euskaraldiaren lehen edizioaren kanta izan zen hau, ilusioz eta konplizitatez sortua, hasierako bultzadari ahotsa eta erritmoa emateko.

Maddalen Arzallusek eta La Basuk idatzi zituzten hitzak; La Basuk ahotsa ere jarri zuen.
Musikaren ardura Ines Osinagak eta Las Tea Party DJ’s-ek izan zuten; Inesek ahotsa ere jarri zuen.

Hasiera hartan piztutako doinuak, edizioz edizio Euskaraldiari soinua jartzeko abiapuntua izan ziren.

Gehiago ikusi

EUSKARALDIA, DIGITALEAN, 365 EGUNETAN

EUSKARAZ GEHIAGO, GEHIAGOREKIN ETA GEHIAGOTAN… BAITA DIGITALEAN ERE.

Hemen komunitate bat duzu, zure eguneroko jardun digitala ere euskaraz bizitzeko: proposamenak, baliabideak eta tresnak, urteko 365 egunetan sortzeko eta partekatzeko.

Zatoz komunitatera!

AZKEN ALBISTEAK

 

Zer gertatzen ari da Euskaraldia mugimenduan? Ez galdu azken albisteak eta jarraitu eguneratuta!




    1. Datuen arduraduna: Euskaltzaleen Topagunea
    2. Datuen helburua: Topagunearen egitasmo eta ekimenen berri bidaltzea.
    3. Datuen biltegia: Siteground-en ostatutako datu-basea
    4. Eskubideak: Zure informazioa mugatu, berreskuratu edota ezabatu dezakezu edozein unetan.

    Informaziorako

    Jarrai gaitzazue sareetan
    Euskaraldia
    Powered by  GDPR Cookie Compliance
    Pribatutasun laburpena

    Webgune honek cookieak erabiltzen ditu ahalik eta erabiltzaile-esperientzia onena eman ahal izateko. Cookie-ei buruzko informazioa zure nabigatzailean gordetzen da, eta gure webgunera itzultzen zarenean, cookie-ei buruzko informazioa ezagutzeko eta gure taldeari webguneko zer atal interesgarri eta erabilgarri dituen ulertzen laguntzeko funtzioak betetzen ditu.